home
Total Visiters: 
ബൈപാസ് സര്‍ജറി കഴിഞ്ഞ് അശോകന്‍ എത്തിയത് - ഗണിത ക്ലാസ്സ് മുറിയില്‍ ....
6 years ago ..
കരപ്പാത്ത്:ഹൃദയ വാള്‍വില്‍ രൂപപ്പെട്ട മൂന്ന് ബ്ലോക്കുകള്‍ ബൈപാസ് സര്‍ജറി വഴി നീക്കി ആശുപത്രിക്കിടക്കയില്‍ നിന്നും അശോകന്‍ എത്തിയത് ഗണിത ക്ലാസ് മുറിയില്‍ .പിലിക്കോട് ജി . യു .പി സ്കൂളില്‍, ചെറുവത്തൂര്‍ ഉപജില്ലയിലെ അധ്യാപകര്‍ക്കായി ഗണിതശാസ്ത്ര അസോസിയേഷന്‍ സംഘടിപ്പിച്ച ഏകദിന പരിശീലനപരിപാടിയിലാണ് രോഗ വിഷമതകള്‍ മറന്ന് അശോകന്‍ എത്തിയത് . എടാച്ചേരി ലക്ഷംവീട് കോളനിയില്‍ താമസക്കാരനായ ഇദ്ദേഹം കഴിഞ്ഞ കുറേ വര്‍ഷങ്ങളായി കണക്കിന്റെ വഴികളിലാണ് ഓട്ടോഡ്രൈവര്‍ ആയിരുന്ന അശോകന്‍ നാല് വര്‍ഷം മുന്‍പാണ് ആ തൊഴില്‍ ഉപേക്ഷിച്ച് കാലിക്കടവില്‍ ഗണിത ലാബുതുടങ്ങിയത് .കുട്ടികളും അധ്യാപകരുമെല്ലാം പഠിതാക്കളായി എത്തുന്ന ഈ ഗണിതലാബാണ് ഇദ്ദേഹത്തിന്റെ ഏറ്റവും വലിയസമ്പാദ്യം പസില്‍ ,ജ്യാമിതീയ രൂപങ്ങള്‍ ,തുടങ്ങി .ഗണിത പഠന ഉപകരങ്ങളുടെ വലിയശേഖരം തന്നെ അശോകന്റെ പക്കലുണ്ട് .നിരവധി അധ്യാപക പരിശീലനപരിപാടികളിലും ,കുട്ടിക്യാപുകളിലും ഗണിത വിശേഷങ്ങളുമായി . അശോകന്‍ എത്തിയിട്ടുണ്ട് .അടുത്തകാലത്താണ് രോഗവിവരംഅറിഞ്ഞത് .നാട്ടുകാരുടെയും ,ഗണിത സ്നേഹികളുടെയും സഹായത്താലാണ് ശസ്ത്രക്രിയ നടന്നത് . ഇനിയുള്ള കാലവും കണക്കിനോപ്പം കഴിയാനാണ് അശോകന്റെ തീരുമാനം അതുകൊണ്ട് തന്നെയാണ് ആശുപത്രിക്കിടക്കയില്‍ നിന്നും ഇദ്ദേഹം വീണ്ടും അധ്യാപകര്‍ക്ക് മുന്നിലെത്തിയത് .
No Comments
Name:         
Mobile no:   
Male   Female
Email:        ;
Comments here..

.. ..