home
Total Visiters: 
ദേശീയ ഗാനത്തിന്‍റെയും, പതാകയുടെയും മഹത്വം പഠിപ്പിച്ച് തമ്പാന്‍ മാസ്റ്റര്‍
5 years ago ..
കാലിക്കടവ്: ദേശീയ പതാകയുടെയും, ദേശീയ ഗാനത്തിന്‍റെയും മഹത്വം കുട്ടികളിലും, പൊതുജനങ്ങളിലും എത്തിച്ച് ഒരു സംഗീതാധ്യാപകന്‍റെ യാത്ര ദേശങ്ങളില്‍ നിന്നും ദേശങ്ങളിലേക്ക് പിലിക്കോട് വയല്‍ സ്വദേശിയും ഇപ്പോള്‍ കണ്ണൂര്‍ തോട്ടടയില്‍ താമസക്കാരനുമായ തമ്പാന്‍ കെ. വി യാണ് ദേശങ്ങളില്‍ നിന്നും ദേശങ്ങളിലേക്ക് ദേശീയബോധം പകര്‍ന്ന് യാത്ര നടത്തുന്നത്.കണ്ണൂര്‍ ചെമ്പിലോട് ഹയര്‍ സെക്കണ്ടറി സ്കൂള്‍ അധ്യാപകനായ ഇദ്ദേഹത്തിന്‍റെ ഈ യാത്ര ആരംഭിച്ചത് ചക്കരക്കല്‍ മലബാര്‍ ടി ടി ഐ യില്‍ നിന്നുമാണ്. ദേശീയ പതാകയെ കുറിച്ചും,ദേശീയ ഗാനത്തെ കുറിച്ചുമൊക്കെ നിയമ പുസ്തകങ്ങളില്‍ നിന്ന് മുതല്‍ സര്‍വവിജ്ഞാനകോശത്തില്‍ നിന്ന് വരെ പഠിച്ചിരിക്കുമ്പോഴാണ് ഒരു ക്യാമ്പിന്‍റെ ഭാഗമായി ദേശീയഗാനത്തെ കുറിച്ച്‌ അധ്യാപക വിദ്യാര്‍ത്ഥികള്‍ക്ക് പറഞ്ഞു കൊടുക്കാനുള്ള ഈ അവസരം ലഭിച്ചത്.തുടര്‍ന്നിങ്ങോട്ട്‌ കണ്ണൂര്‍, കാസര്‍ഗോഡ്‌,കോഴിക്കോട്, പാലക്കാട് എന്നീ ജില്ലകളിലും മാഹിയിലുമൊക്കെയായി നിരവധി ക്ലാസ്സുകള്‍ ഇദ്ദേഹം കൈകാര്യം ചെയ്തു കഴിഞ്ഞു. ക്ലാസ്സെടുക്കാന്‍ വിദ്യാലയത്തിലെത്തിയാല്‍ ആദ്യം അവിടെയുള്ള ദേശീയപതാക ഇദ്ദേഹം ഒന്ന് പരിശോധിക്കും.പലതും കൃത്യമായ ഫ്ലാഗ് കോഡ് ഉള്‍പ്പെടെയുള്ള മാനദണ്ഡങ്ങള്‍ പാലിച്ചിരിക്കണമെന്നില്ല. ഇത് പിഴയോ, തടവോ, ഇത് രണ്ടുമോ കിട്ടാവുന്ന കുറ്റമാണെന്ന് അവരെ പറഞ്ഞു ബോധ്യപ്പെടുത്തും.ഇതിനെക്കുറിച്ചൊക്കെ പൊതുജനങ്ങളിലും, കുട്ടികളിലും എത്രത്തോളം അവബോധം ഉണ്ട് എന്നറിയാന്‍ 2008 ല്‍ പ്രത്യേകം ചോദ്യാവലി തയ്യാറാക്കി ഇദ്ദേഹം ഒരു സര്‍വേ നടത്തിയിരുന്നു. 4000 വിദ്യാര്‍ത്ഥികളും, 2000 പൊതു ജനങ്ങളും ഈ സര്‍വെയില്‍ പങ്കെടുത്തു. ഇതില്‍ 82 ശതമാനം പേര്‍ക്കും ഭാഗീകമായി മാത്രമേ ദേശീയ പതാകയെ കുറിച്ചും ,ദേശീയ ഗാനത്തെ കുറിച്ചും അവബോധം ഉണ്ടായിരുന്നുള്ളൂ. ഇവിടെയാണ്‌ തമ്പാന്‍ മാസ്റ്ററുടെ ഈ യാത്ര പ്രസക്തമാവുന്നത്. കണ്ണൂരാണ് താമസമെങ്കിലും ഒരു പിലിക്കോട് കാരനായി അറിയപ്പെടാനാണ് ഇദ്ദേഹത്തിന് ഇഷ്ടം
No Comments
Name:         
Mobile no:   
Male   Female
Email:        ;
Comments here..

.. ..