home
Total Visiters: 
ബാലചലച്ചിത്ര മേള; ഉപേഷ് ചീമേനിക്ക് രണ്ടാം തവണയും അംഗീകാരം
5 years ago ..
കാലിക്കടവ്: കുട്ടികളൊരുക്കിയ ചലച്ചിത്രങ്ങള്‍ക്ക് ക്യാമറ ചലിപ്പിച്ചതിന് ഉപേഷ് ചീമേനിക്ക് ഇത്തവണയും സംസ്ഥാന ബാലചലച്ചിത്ര അവാര്‍ഡ്. സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് എജ്യുക്കേഷന്‍ ടെക്നോളജി സംഘടിപ്പിക്കുന്ന ബാലചലച്ചിത്ര മേളയില്‍ ഇത് തുടര്‍ച്ചയായ രണ്ടാം വര്‍ഷമാണ്‌ ഈ 24 കാരനെ തേടി മികച്ച ക്യാമറാമാനുള്ള അംഗീകാരമെത്തുന്നത്. സംസ്ഥാന -ദേശീയ അവാര്‍ഡുകള്‍ വാരിക്കൂട്ടിയ പിലിക്കോട് ഗവ:ഹയര്‍ സെക്കണ്ടറി സ്കൂള്‍ എന്‍ എസ് എസ് യൂണിറ്റ് നിര്‍മ്മിച്ച ദൈവസൂത്രത്തിലൂടെയാണ് ഉപേഷിനെ തേടി ആദ്യ ചലച്ചിത്ര അവാര്‍ഡ് എത്തിയത്. ഇതേ വിദ്യാലയത്തിലെ ഹരിത സേന നിര്‍മ്മിച്ച പാഠപുസ്തകം എന്ന ചിത്രത്തിന്‍റെ ക്യാമറാ മികവിനാണ് ഇത്തവണത്തെ അംഗീകാരം. കല്യാണ വീഡിയോ ഗ്രാഫിയിലൂടെ ഈ മേഖലയില്‍ എത്തിയ ഉപേഷ് ഈ ചിത്രങ്ങള്‍ക്ക് പുറമെ മുപ്പതോളം ടെലിഫിലിമുകള്‍ക്ക് ക്യാമറ ചലിപ്പിച്ചിട്ടുണ്ട്. പരിസ്ഥിതി സംരക്ഷണ സന്ദേശങ്ങള്‍ ജനങ്ങളിലേക്ക് എത്തിക്കുന്ന രണ്ട് ചിത്രങ്ങളില്‍ കുട്ടികള്‍ക്കൊപ്പം ഭാഗമാകാന്‍ സാധിച്ചതും, അതിലൂടെ ലഭിച്ച ഈ അംഗീകാരങ്ങളും ജീവിതത്തിലെ ഏറ്റവും വലിയ ഭാഗ്യമായി ഈ യുവാവ് കണക്കാക്കുന്നു. സിനിമയെ കുറിച്ചുള്ള കുട്ടികളുടെ കാഴ്ചപ്പാടുകളും, ആശയങ്ങളും വളരെ മികച്ചതാണെന്നും, ഇനിയും കൂടുതല്‍ ചിത്രങ്ങള്‍ കുട്ടികള്‍ക്കൊപ്പം ചെയ്യാന്‍ ആഗ്രഹമുണ്ടെന്നും ഉപേഷ് പറയുന്നു. തൃശൂരില്‍ നടന്ന ചടങ്ങില്‍ വിദ്യാഭ്യാസ മന്ത്രി പി കെ അബ്ദുറബ്ബില്‍ നിന്നും ഉപേഷ് ഇത്തവണത്തെ അവാര്‍ഡ് ഏറ്റുവാങ്ങി. ചീമേനി ഗവ; ഹയര്‍ സെക്കണ്ടറി സ്കൂളിന് സമീപം ഐ. മീഡിയ ഡിജിറ്റല്‍ സ്റ്റുഡിയോ നടത്തുകയാണ് ഉപേഷ്.
No Comments
Name:         
Mobile no:   
Male   Female
Email:        ;
Comments here..

.. ..