home
Total Visiters: 
പഠനവും, അനുഷ്ഠാനവും നെഞ്ചേറ്റി മനേഷ് ലാലും, നിതീഷ് ലാലും
7 years ago ..
കാലിക്കടവ്: സഹോദരങ്ങളായ മനേഷ് ലാലിനും, നിതീഷ് ലാലിനും പഠനവും, അനുഷ്ഠാന കലാരൂപമായ തെയ്യവും ഒരുപോലെയാണ്. തെയ്യക്കാലമായാല്‍ പിലിക്കോട്ടെയും പരിസര പ്രദേശങ്ങളിലെയും തെയ്യാട്ട സ്ഥാനങ്ങളിലെ അരങ്ങിലും അണിയറയിലും നിറസാനിധ്യമായി പുത്തിലോട്ട് സ്വദേശികളായ ഈ സഹോദരങ്ങളെ കാണാം. ഉറക്കമൊഴിഞ്ഞ് തെയ്യക്കോപ്പുകള്‍ ഒരുക്കുമ്പോഴും, അവതാരമൂര്‍ത്തികളായി ഉറഞ്ഞാടുമ്പോഴും പഠനത്തെ കൈയൊഴിയാന്‍ രണ്ടു പേരും തയ്യാറല്ല. പ്രശസ്ത തെയ്യം കലാകാരനായ പുത്തിലോട്ട് കൃഷ്ണന്‍ പണിക്കരുടെ മക്കളാണ് ഈ അനുഗ്രഹീത തെയ്യം കലാകാരന്മാര്‍. ഇരുപത്തിയഞ്ച് കാരനായ മനേഷ് ലാല്‍ വര്‍ഷങ്ങള്‍ക്ക് മുന്‍പ് തന്നെ തെയ്യം കലയിലെ മികവിന് പണിക്കര്‍ പദവി ഏറ്റുവാങ്ങിയിരുന്നു. വിഷ്ണുമൂര്‍ത്തിയുടെ തീക്കോലം ഉള്‍പ്പെടെ നിരവധി തെയ്യക്കോലങ്ങള്‍ കെട്ടിയാടിയിട്ടുള്ള മനേഷ് എഞ്ചിനീയറിംഗ് ബിരുദധാരിയാണ്. പിലിക്കോട് തെരുവില്‍ മൂവാളംകുഴി ചാമുണ്ഡിയുടെ കോലം കെട്ടിയാടാനുള്ള തയ്യാറെടുപ്പിലാണ് മനേഷ് ലാല്‍ പണിക്കര്‍. ഏറെ അനുഷ്ഠാന തികവോടെ കെട്ടിയാടേണ്ട തെയ്യമാണ്‌ ഇത്. അനുജനായ നിതീഷ് പുത്തിലോട്ട് ആണ്ടാളിലാണ് ആദ്യമായി വിഷ്ണുമൂര്‍ത്തിയുടെ തീക്കോലം കെട്ടിയിരിക്കുന്നത്. പടന്നക്കാട് നെഹ്‌റു കോളേജില്‍ നിന്നും ബിരുദ പഠനം പൂര്‍ത്തിയാക്കിയിരിക്കുകയാണ് നിതീഷ്. പാരമ്പര്യമായി കിട്ടിയ തെയ്യം കലയെ കൈവിടാതെ പഠിച്ചു നല്ലൊരു ജോലി നേടാനുള്ള ശ്രമത്തിലാണ് രണ്ടു പേരും.
Name:   saranya
MANEEESHETTA.............. you 6 great.........
Posted on:   2012-01-10 15:50:48
Name:   sreekanth
manesh...u r great da...nitheesh go ahead dear... :)
Posted on:   2011-11-04 17:30:21
First <<  1   >> Last
Name:         
Mobile no:   
Male   Female
Email:        ;
Comments here..

.. ..