home
Total Visiters: 
ഇംഗ്ലീഷ് അറിയാത്ത ഉണ്ണിയുടെ സ്ക്കിറ്റിന് പരിശ്രമത്തിന്റെ വിജയത്തിളക്കം
7 years ago ..
കാലിക്കടവ്: പെയിന്‍റിംഗ് തൊഴിലാളിയായ ചെറുവത്തൂര്‍ കൊവ്വലിലെ ഉണ്ണിരാജന് ഇംഗ്ലീഷ് അറിയില്ല. പക്ഷെ കഴിഞ്ഞ നാലുവര്‍ഷമായി സംസ്ഥാനതല സ്കൂള്‍ കലോത്സവത്തില്‍ ഉണ്ണിരാജനൊരുക്കുന്ന ഇംഗ്ലീഷ് സ്കിറ്റിന് എ ഗ്രേഡിന്റെ വിജയത്തിളക്കമാണ്. ചെര്‍ക്കളയില്‍ നടന്നു വരുന്ന കാസര്‍ഗോഡ് ജില്ലാ കലോത്സവത്തില്‍ ഇത്തവണയും ഉണ്ണിയുടെ കുട്ടികള്‍ ഒന്നാം സ്ഥാനം സ്വന്തമാക്കി കഴിഞ്ഞു. കാഞ്ഞങ്ങാട് ഇക്ബാല്‍ ഹയര്‍ സെക്കണ്ടറി സ്കൂള്‍ കുട്ടികളിലൂടെയാണ് ഇത്തവണത്തെ വിജയം. നല്ലൊരു നാടക സംവിധായകനും, മൈം സംവിധായകനും കൂടിയായ ഇദ്ദേഹം കുട്ടികളുടെ പൂര്‍ണ്ണ സഹകരണത്തോട് കൂടിയാണ് ഇംഗ്ലീഷ് സ്കിറ്റുകള്‍ ഒരുക്കുക. തന്‍റെ മനസ്സിലുള്ള ആശയത്തെ മലയാളത്തിലുള്ള സ്ക്രിപ്റ്റാക്കി മാറ്റുകയാണ് ഉണ്ണി ആദ്യമായി ചെയ്യുന്നത്. ഈ സ്ക്രിപ്റ്റ് കുട്ടികളുടെ സഹായത്തോടെ ഇംഗ്ലീഷിലേക്ക് മാറ്റും. വിദ്യാലയത്തിലെ അധ്യാപകരുടെ സഹായവും തേടാറുണ്ട്. ഉപഭോഗ സംസ്കാരത്തിന്റെ ദൂഷ്യ ഫലങ്ങളുമായി ബന്ധപ്പെട്ട സ്കിറ്റാണ് ഇത്തവണ വേദിയില്‍ എത്തിച്ചത്. സ്കൂള്‍ തലത്തില്‍ മാത്രമല്ല യൂണിവേഴ്സിറ്റി തലത്തിലും മൈമിലും, സ്കിറ്റിലും ഇദ്ദേഹത്തിന്റെ ശിഷ്യഗണങ്ങള്‍ നേടിയെടുത്ത സമ്മാനങ്ങള്‍ നിരവധിയാണ്. ഇത്തവണ കേരളത്തിലെ ഏഴ് ജില്ലകളില്‍ ഇദ്ദേഹം മൈം പരിശീലിപ്പിച്ചിട്ടുണ്ട്‌. അറിയപ്പെടുന്ന നാടക നടന്‍ കൂടിയാണ് ഈ മുപ്പത്തിയെട്ടുകാരന്‍ . കഴിഞ്ഞ പതിനഞ്ചു വര്‍ഷക്കാലമായി ഈ മേഖലയിലുള്ള ഉണ്ണിരാജന്‍ കലോത്സവ കാലമായാല്‍ തന്‍റെ പെയിന്റിംഗ് തൊഴിലിനു ഇടവേള നല്‍കും. പിന്നെ സ്കൂളുകളില്‍ നിന്നും സ്കൂളുകളിലേക്കുള്ള യാത്രയാണ് നിറങ്ങളുടെ ലോകത്ത് നിന്നും നിറമുള്ള കലകളുടെ ലോകത്തേക്ക് ...
Name:   PRASANTH KUMAR MANIYERI
ഉന്നിയെട്ടന്,ഓരയിരം ആശംസകൽ നെരുന്നു.........
Posted on:   2012-01-28 20:51:02
Name:   m.v.m.nambiar
+parisramam vijayikkum.asamsakal nerunnu.
Posted on:   2012-01-05 18:08:03
First <<  1   >> Last
Name:         
Mobile no:   
Male   Female
Email:        ;
Comments here..

.. ..