home
Total Visiters: 
അവധിക്കാലം വിടപറയുന്നു ;കുരുന്നുകള്‍ തിങ്കളാഴ്ച അക്ഷരമുറ്റത്തേക്ക്
5 years ago ..
കാലിക്കടവ്: മധ്യവേനലവധിക്കാലം കഴിഞ്ഞ് വിദ്യാലയങ്ങള്‍ തിങ്കളാഴ്ച തുറക്കും. അക്ഷരമുറ്റത്തെത്തുന്ന നവാഗതരെ വരവേല്‍ക്കാന്‍ പ്രവേശനോത്സവത്തിനായി വിദ്യാലയങ്ങള്‍ ഒരുങ്ങി. പതിവ് പോലെ മധുര വിതരണം,പഠനോപകരണ വിതരണം, കലാപരിപാടികള്‍ എന്നിവയെല്ലാം ഒട്ടുമിക്ക വിദ്യാലയങ്ങളിലും ഒരുക്കിയിട്ടുണ്ട് . വിദ്യാലയ പരിസരത്തുള്ള ക്ലബ്ബുകളും, സാംസ്കാരിക സംഘടനകളും ഒക്കെയാണ് പഠനോപകരണ വിതരണത്തിനായി മുന്നോട്ട് വന്നിട്ടുള്ളത്‌ . പ്രവേശനോത്സവത്തിനായി പ്രവേശനോത്സവഗാനവും വിദ്യാലയങ്ങളില്‍ എത്തിക്കഴിഞ്ഞു. രമേശ്‌ കാവില്‍ രചിച്ച പുഞ്ചിരി മലര്‍ വിരിയിക്കും എന്ന് തുടങ്ങുന്ന ഈ ഗാനത്തോടെയായിരിക്കും സംസ്ഥാനത്തെ എല്ലാ വിദ്യാലയങ്ങളിലും പ്രവേശനോത്സവം ആരംഭിക്കുക. ഒന്ന് ,മൂന്ന്‍, അഞ്ച് , ഏഴ് ക്ലാസ്സുകളില്‍ പുതിയ പാഠപുസ്തകങ്ങള്‍ എത്തുന്നു എന്നതാണ് വരുന്ന അധ്യയന വര്‍ഷത്തെ പ്രധാന സവിശേഷത . ഒന്നാംതരത്തില്‍ ഉദ്ഗ്രദിത സമീപനം തുടരും. ഭാഷ ,പരിസര പഠനം എന്നിവയ്ക്കായി ഒരു പാഠപുസ്തകവും, ഇംഗ്ലീഷ്, ഗണിത പുസ്തകങ്ങളുമാണ് ഒന്നാം തരക്കാര്‍ക്കായി തയ്യാറാക്കിയിരിക്കുന്നത്. ഒന്ന്‌ , മൂന്നു ക്ലാസുകളിലേക്ക്‌ സംസ്‌കൃതം പാഠപുസ്‌തകങ്ങളും, ഐ ടി പുസ്തകങ്ങളും ഇത്തവണയുണ്ട്. സര്‍ക്കാര്‍ വിദ്യാലയങ്ങളില്‍ ഇംഗ്ലീഷ് മീഡിയം നിലവിലുണ്ടായിരുന്നെങ്കിലും ഇംഗ്ലീഷ്‌ മീഡിയം പാഠപുസ്‌തകങ്ങള്‍ നിലവിലുണ്ടായിരുന്നില്ല. ഈ കുറവും ഇത്തവണ പരിഹരിച്ചിട്ടുണ്ട്. അധ്യയന വര്ഷം ആരംഭിക്കുന്നതിന് മുന്നോടിയായി എല്ലാ അധ്യാപകര്‍ക്കും അഞ്ച് ദിവസത്തെ പരിശീലനവും നല്‍കിക്കഴിഞ്ഞു. കുട്ടികളും വിദ്യാലയ യാത്രയ്ക്കായുള്ള അവസാന തയ്യാറെടുപ്പിലാണ്. കുടയും ബാഗുമൊക്കെ തേടി കുട്ടികള്‍ ധാരാളമായി എത്തിയതോടെ വിപണിയിലും വലിയ തിരക്കാണ് അനുഭവപ്പെടുന്നത്.
No Comments
Name:         
Mobile no:   
Male   Female
Email:        ;
Comments here..

.. ..