home
Total Visiters: 
വിടവാങ്ങുന്നു ഒരു കളിയാട്ടക്കാലം കൂടി ..
5 years ago ..

    കാലിക്കടവ്: നീലേശ്വരം മന്ദംപുറത്ത് കാവില്‍ കലശോത്സവത്തിന് ഒരാഴ്ച മാത്രം ശേഷിക്കെ ഉത്തരമലബാറില്‍ ഒരു കളിയാട്ടക്കാലം കൂടി വിടപറയുന്നു.തുലാം പത്ത് മുതല്‍ കളിയാട്ടക്കാവുകളില്‍ നിന്നും കളിയാട്ടക്കാവുകളിലേക്ക് യാത്ര ചെയ്തു കൊണ്ടിരുന്ന തെയ്യാട്ടക്കാര്‍ക്ക് ഇനി വിശ്രമകാലം.പിലിക്കോടും പരിസര പ്രദേശങ്ങളിലും ഈ വര്‍ഷത്തെ കളിയാട്ടങ്ങളെല്ലാം പൂര്‍ത്തിയായിക്കഴിഞ്ഞു. എല്ലാ വര്‍ഷവും നീലേശ്വരം തെരു അഞ്ഞൂറ്റമ്പലം വീരര്‍ക്കാവില്‍ കളിയാട്ടത്തോടെ തുലാമാസം പത്താം തീയ്യതിയാണ് കളിയാട്ടക്കാലത്തിന് തുടക്കമാവുന്നത്. പിന്നീട് ആറുമാസക്കാലം നീളുന്ന തെയ്യക്കാലത്തിനാണ് ഇടവം പാതിയില്‍ നീലേശ്വരത്ത് തന്നെ സമാപനമാകുന്നത്. മുന്‍പൊക്കെ തെയ്യമില്ലാക്കാലം തെയ്യക്കാര്‍ക്ക് കടുത്ത വറുതിയുടെതായിരുന്നു. ഇന്നാ സ്ഥിതിക്ക് ചെറിയൊരു മാറ്റം വന്നിട്ടുണ്ട്. അടുത്ത തെയ്യക്കാലത്തോട് അടുക്കുമ്പോള്‍ തെയ്യക്കാരെല്ലാം ഒത്തു ചേര്‍ന്ന്‌ അടുത്ത വര്‍ഷത്തേക്കുള്ള അണിയലങ്ങള്‍ ഒരുക്കും. തെയ്യാട്ടക്കാവുകളില്‍ ചിലമ്പൊലിയും, വരവിളിയും, ചെണ്ടമേളവും ഉയരുന്ന തെയ്യക്കാലത്തിനായുള്ള കാത്തിരിപ്പ് കൂടിയാണ് തെയ്യക്കാര്‍ക്ക് വരാനിരിക്കുന്ന മഴക്കാലം.
.



dd


.....................................

.. ..