home
Total Visiters: 
സന്ദേശങ്ങള്‍ക്ക് പുതിയ മുഖം ആശംസാ കാര്‍ഡ് വിപണി ഉണര്‍ന്നില്ല
6 years ago ..
കാലിക്കടവ്: ക്രിസ്തുമസ്സും, പുതുവത്സരവും എത്തുമ്പോള്‍ പ്രിയപ്പെട്ടവര്‍ക്കായി കൈമാറുന്ന ആശംസകള്‍ക്ക് സാങ്കേതിക വിദ്യയുടെ മികവില്‍ പുതിയ മുഖം കൈവന്നതോടെ ആശംസാ കാര്‍ഡ് വിപണിയില്‍ മാന്ദ്യം. സാധാരണ നവംബര്‍ അവസാനത്തോടെ സജീവമാകുന്ന കാര്‍ഡ് വിപണി ഡിസംബര്‍ പകതിയായിട്ടും ഉണര്‍ന്നിട്ടില്ല. ഇന്റര്‍നെറ്റിന്റെയും മൊബൈലിന്റെയും കടന്നു വരവോടെയാണ് ആശംസാ കാര്‍ഡുകള്‍ തപാല്‍ മാര്‍ഗം അയക്കുന്നവരുടെ എണ്ണത്തില്‍ ഗണ്യമായ കുറവ് വന്നതെന്ന് കച്ചവടക്കാര്‍ പറയുന്നു. ഈ സമയങ്ങളില്‍ പോസ്റ്റ്‌ ഓഫീസുകളില്‍ ആശംസാകാര്‍ഡുകള്‍ കുന്നു കൂടുമായിരുന്നു എന്നാല്‍ ഇപ്പോള്‍ ഇതുവഴി കടന്നുപോകുന്ന കാര്‍ഡുകളുടെ എണ്ണം നന്നേ കുറവാണെന്ന് ഇവിടെയുള്ളവരും പറയുന്നു. ഫെയ്സ് ബുക്ക്‌ പോലുള്ള സോഷ്യല്‍ നെറ്റ് വര്‍ക്കുകളില്‍ കൂടി സൌഹൃദങ്ങള്‍ക്ക് പുതിയ മാനം കൈവരികയും ഒരു മൌസ് ക്ലിക്കിന്റെ വേഗത്തില്‍ ദൂര പരിധിപോലും ഇല്ലാതെ സന്ദേശങ്ങള്‍ പലരൂപങ്ങളില്‍ പാഞ്ഞു തുടങ്ങിയതോടെയുമാണ്‌ കാര്‍ഡുകള്‍ അയക്കുന്ന പതിവ് ശീലത്തോട് പലരും വിടപറഞ്ഞത്‌. മനസ്സിനിഷ്ട്ടപ്പെട്ടൊരു കാര്‍ഡ് തിരഞ്ഞെടുത്ത് അതില്‍ സ്വന്തം കൈപ്പടയില്‍ സ്നേഹസന്ദേശം കുറിച്ച് പ്രിയപ്പെട്ടവര്‍ക്ക് എത്തിക്കണമെന്ന് നിര്‍ബന്ധമുള്ളവര്‍ മാത്രമാണ് ഇപ്പോള്‍ കാര്‍ഡുകള്‍ തേടിയെത്തിയിരിക്കുന്നത്. മുതിര്‍ന്നവരേക്കാളും കൂടുതലായി സ്കൂള്‍, കോളേജ് വിദ്യാര്‍ത്ഥികളാണ് ആശംസാകാര്‍ഡുകള്‍ തേടി എത്തുക. ക്രിസ്തുമസ് സുഹൃത്തിനെ കണ്ടെത്തിയും അല്ലാതെയും കൂട്ടുകാര്‍ക്ക് ആശംസാകാര്‍ഡുകള്‍ നേരിട്ട് കൈമാറുന്ന പതിവ് കുട്ടികള്‍ക്കിടയില്‍ ഇപ്പോഴും ഉണ്ട്. പക്ഷെ പരീക്ഷാക്കാലമായതിനാല്‍ ഇവരും ഇതുവരെ വിപണിയിലേക്ക് എത്തിയിട്ടില്ല. 23 നാണ് പരീക്ഷ കഴിഞ്ഞ് വിദ്യാലയങ്ങളില്‍ ക്രിസ്തുമസ്, പുതുവത്സര ആഘോഷങ്ങള്‍ നടക്കുക. അന്നേക്കു കാര്‍ഡുകള്‍ തേടി കൂടുതല്‍ ആവശ്യക്കാര്‍ എത്തുമെന്ന പ്രതീക്ഷയിലാണ് കച്ചവടക്കാര്‍. പ്രമുഖ കമ്പനികളുടെതും, പ്രാദേശികമായി നിര്‍മ്മിച്ചതുമായ വൈവിധ്യമാര്‍ന്ന കാര്‍ഡുകള്‍ ഇത്തവണയും വില്പനയ്ക്കായി എത്തിയിട്ടുണ്ട്. അഞ്ചു രൂപയുടെ കുഞ്ഞന്‍ കാര്‍ഡു മുതല്‍ ഇരുന്നൂറു രൂപയിലധികം രൂപവിലയുള്ള കാര്‍ഡുകള്‍ വരെ വിപണിയില്‍ ഉണ്ട്. എന്തുതന്നെയായാലും വരും ദിവസങ്ങളില്‍ കച്ചവടം സജീവമാകുമെന്ന പ്രതീക്ഷയില്‍ കാര്‍ഡുകള്‍ നിരത്തിവച്ച് കാത്തിരിക്കുകയാണ് കച്ചവടക്കാര്‍.
Name:   prakashan kodakkat g h s s pilicode
plz publish 2nd NORTH ZONE KAMBAVALI MALSARAM on 5th FEB. 2012 at REDSTAR KALASAMITHI KODAKKAT.YOU CAN HAVE MATTER FROM THE WALL POSTERS IN KALIKKADAVU TOWN.
Posted on:   2012-01-31 07:50:04
First <<  1   >> Last
Name:         
Mobile no:   
Male   Female
Email:        ;
Comments here..

.. ..